Dhanaulti ki chai

Uttrakhand Ka Ehsaas

Ghane baadal dheemi baarish or meri pahado ki pehli drive.. mein bas chala aaya uttrakhand mein mujhe na ehsaas tha na pata tha ki kuch cheeze itni bhi sundar ho skti hai.

Jo log uttrakhand se hai or is blog ko padh rahe hai — unko mera dil se pyaar or abhaar. Aap itne sundar desh mein rehte ho.. har taraf hariyaali, har taraf ek alag hi rang, or logo ka jo achaar or vyavhaar hai oro kprati mera to dil bhar aaya. Jaise kudrat ne khud yaha aakr apna sabse badhiya kaam kar gya ho.

Himmat Aur Mann Ka Yuddh

Mein pehli baar itne khhatarnaak raaste pr gya apni car se.. mujhe andazaa nai tha bas mujhe surkunda mata k darshan krne the. Mann mein tha mere ki maiyya ne bukaya hai or darshan krne hai to karne hai ek baar ko.

Ye bhi laga k dehradun se bus ya taxi krlu pr vahi dusri or mann bola — kabtk daregaa? Ab jana hai to himmat kar or lagade jai kaare maiyya k!

Nikal pad is raaste pr... subah subah 6 baje. Mussorie ki vaadiyon se hote hue — jinhe dekh maano mann kahe ki "kaku bas tu kuch pal or yaha bita le, bas kuch pal or". Par driving ka alag hi aanand tha dusri taraf.

Raste Mein Manmohak Drishya

Vo pyaare rasto m basa vo shehar... maano har taraf manmohak drishya apni sandarya se mera mann moh le rahe the. Galiyon mein se gujar raha hu or har mod par naya rang, naya nazara — jaise nature ne khud hi mujhe welcome kar raha ho.

Hariyali... sirf hariyali nahi... ek ehsaas tha.

Dhanaulti Ka Sakra Rasta

Mussorie se 4 km pehle ek rasta kat ta hai.. dhanaulti k liye...

Dhanaulti? Haa dhanaulti dosto... swarg ka rasta.

Vo jagah jaha log kam jaate hai par jo j aate hai vo bas vahi k ho k reh jaate hai. Har taraf k nazaare itne sundar — maano prakrtiti khud tumhe apni or kheech rhi ho.

Jo ek taraf raaste ka aanand lete to duari taraf sakra raasta jaha ek taraf khaai or dusri taraf pahaado ki choti. Samne se agar ek or gaadi aajaye to nikalna mushkil. Har taraf mod, har taraf ek andhekha cut jha pr aage kya aara hai — kuch pata nai.

Dil mein thoda dar tha, par dil mein thoda junoon bhi tha.

Maine himmat ni haari or dhire dhire... bohot dhire dhire drive krke pohoch gaya dhanaulti.

Surkunda Mata - 10,000 Feet Ki Yatra

Dhanaulti se kuch chand 4 km dur sukunda maat ka mandir hai.

Mein sakre se raste se dil ko thaame thaame vaha tak pohocha. Pohoochne k baad mera mann mujhe shbbashi de rha tha — "tune aaj bohot bada kaam kiya. Tune khud drive krke pahado mein yaha tak pocha."

Mata rani k mandir ki height takriban 10,000 feet. Mujhe har pal bohot ki hushi ho rahi thi — jaise khud mata rani mere ko bulaya ho.

Darshan karne k baad ek baba ne mujhe bataya: "Beta, yaha se chaaro dhaam ki choti dikhti hai."

Mann sehem rha tha kyuki choti k upr badal chaaye hue the. Lag raha tha — darshan hoge ya nahi? Par vahii ashirwaad saath tha... aur mann ne kaha ki bas bharosa rakho us ishwar par, chalte jaao.

Chaaro Dhaam Ka Darshan - Ek Paripurn Pal

Mein piche ki or muda hi tha k baba ne bola: "Beta, dekho... choti k darshan ho rahe hai!"

Maine apni in choti choti aankhon se un heere se chamakte hue chaaro dhaamo k choti k darshan kiye.

Barf ki chadar odhe saare pahad... dhup unke upr pdh rhi... or bass vo swarg se kam nai the. Upr baadal, niche pahad, beech mein choti...

Har taraf bass kudrat ka ek alag karishma.

Agar aap kabhi sukrunda mata k mandir gaye ho ya nai — jaankar mujhe khushi hogi. Aap zarur jaana. Zarur.

Khambaghat - Chai Aur Dosti Ka Panth

Mein nikal pada vaapsi ki. Dhanaulti ka aadha rasta paar karne k baad beech mein khambaghat pr ruka or vaha pr ek jagah baitha.

Samne hari vaadiyo mein lipte hue pahad... aur bhaiya puchte ki "sir kya order hai?"

Maine muskura kar bola: "Bhaiya ek chai or ek parle g."

Mein baitha hi tha k samne se 2 doggy mere saath aakr mujhe dekhne lage. Maine muskuraya to vo apni poonch hilaane lage. Mere saath aakr vahi tek laag gaye... maano vo chah rahe ho — "dost banna chahoge?"

Mann mein tha — yeh ek alag hi duniya hai.

Meri Taraf Se Unhe, Unke Haatho Se Mujhe

Mein vaadiyo mein ghira hua tha k chai or biscuit aakr bhaiya ne table p rakhe.

Biscuit dekh doggy mujhe nihaarne lage — jaise kehna chah rahe ho: "hume bhi do!"

Maine apne packet mein se biscuit diye or vo behad khush hue. Unki khushi dekh mera dil khush ho gya.

Bhaiya muskuraaye or bole: "Sirr yaha kab aana hota hai?"

Maine bola: "Bhaia pehli baar aaya hu."

Bhaiya kehte: "Sir mein aap aaye hai to yaadgaar moment bana kr jaaye. Mein apne haatho se ek chai or ek apne haath ki shaandaar maggi apko bana k khilata hu."

Mere muh se automatically "haa" nikal gaya. Najane kaise.

Haatho Ka Swaad, Dil Ka Anand

Maine ek chai khatam ki vaadiyo ka anand lete hue... doggys ko sehlaate hue...

Itne bhaiya ek pyaari si plate mein chai or ek maggi mere liye le kr aaye.

Unke haatho ka swaad... is time blog likhte hue bhi mehsus kar raha hu.

Vo chai mein kuch to alag ehsaas tha. Kuch adrak ki khusbhu to elaichi ka ehsaas — meri zubaan mere dil ko bayan kar rahi thi. Jaise har cheez mein unka pyaar tha.

Mein haule haule... madhyam madhyam use peeta gaya or maggi khata gaya.

Mera mann nai tha vaha se jaane ka. Par dosto, ek baar us jagah se jaoge tabhi to vo vaapis bulayegi. Yeh ek aisa pal tha jo yaad rahe... hamesha.

Ek Naye Milon Ka Vaada

Bhaiya ko maine paise diye or unse haath milaya.

Bhaiya ne kaha: "Sir phir jarur miliyegaa."

Mein vaha se nikal pada or raat tak apne hotel tak aaya.

Tum Bhi Aao, Tum Bhi Samjho

Aapko bhi is chai ka ehsaas lena ho... is pahado ka ehsaas lena ho... is dosti ka ehsaas lena ho — to mujhse email pr address ka pata puch lijiyega. Phir mulaqat hogi ek naye vlog k saaath.

🏔️ Kyunki chai sirf chai nahi... ye ek safar hai.

Aapka apna chaipremi ☕🌄